பேராசிரியர்கள் மாணிக்கராஜ், கனகராஜ்

தேனிமாவட்டம் போடிநாயக்கனூர் வட்டத்தில் உள்ள முந்தல் என்னும் கிராமத்தில் அமைந்துள்ள கீழச்சொக்கையா கோயில் அருகே பெருங்கற்காலத்தைச் சேர்ந்த ஈமச்சின்னங்கள் கண்டறியப்பட்டுள்ளன. இவ்வூரில் கற்திட்டைகள் சில காணப்படுகின்றன. பல கற்திட்டைகள் சிதிலமடைந்துவிட்டன.

போடி மேற்குத்தொடர்ச்சி மலைப்பகுதியில் முந்தல் கிராமத்துக்கு அருகே கீழச்சொக்கையா கோவில் உள்ளது. இந்த பகுதியில், 9 கல்திட்டைகள் உள்ளன. சிறிய அளவிலான கல் வீடு போன்ற அமைப்பில் காணப்படும் கல்லறை அமைப்புக்கு கல்திட்டை என்று பெயர். இதனை கற்திட்டை, ஈமப்புதைக்குழி என்றும் அழைப்பர். பெரிய கற்களைக் கொண்டு நீத்தோர் நினைவாக அமைக்கப்பட்டதால், இவ்வமைப்பு பெருங்கற்படை காலம் என்று அழைக்கப்படுகிறது.