மத்தியத் தொல்லியல் துறை

திருப்போரூர் வட்டாரத்தில் அமைந்துள்ள சிறுதாவூர் பகுதியில் காணப்படும் கல்வட்டங்கள் சிறியதும் பெரியதுமானவை. சிறிய கல்வட்டங்கள் நான்கு அல்லது ஐந்து கற்கள் சுற்றியிருக்க அமைக்கப்பட்டுள்ளது. பெரிய கல்வட்டங்கள் 25-க்கும் மேற்பட்ட உருண்டை கற்களுடன் அமைக்கப்பட்டுள்ளன. மலைப்பாங்கான பகுதியாக சிறுதாவூர் இருப்பதால் இங்கு பெருங்கற்கால ஈமச்சின்னங்களில் கல்வட்டங்கள் அமைக்கப்பட்டிருத்தல் இயல்பானதாகக் கருத இடமுண்டு. சிறிய கல்வட்டங்கள் காணப்படுவது சிறார்களுக்கானவையா என்பது ஆராயப்பட வேண்டிய ஒன்றாகும்.

செங்கல்பட்டு மாவட்டம், திருப்போரூர் அருகே உள்ள சிறுதாவூர் மலைப்பகுதியில் பெருங்கற்கால ஈமச்சின்னங்களுள் ஒன்றான கல்வட்டங்கள் காணப்படுகின்றன. இக்கல்வட்டங்கள் தற்போது அழிந்து வரும் நிலையில் உள்ளன.