மத்தியத் தொல்லியல் துறை

கிருஷ்ணகிரி, தேன்கனிக்கோட்டை வட்டாரத்தில் அமைந்துள்ள தொளுவபெட்டா ஒரு புதியகற்கால வாழிடமாகும். இங்கு புதிய கற்காலத்தைச் சேர்ந்த கைக்கோடரிகள் அதிக எண்ணிக்கையில் கண்டறியப்பட்டுள்ளன. தமிழகத்தில் புதிய கற்காலம் என்பது கி.மு. 3000 - 1000 வரை நிலவியது. குறிப்பாக தமிழகத்தின் வட ஆர்க்காடு பகுதியிலுள்ள பையம்பள்ளியில் இப்புதிய கற்காலச் சின்னங்கள் அதிகம் காணப்படுகின்றன. புதிய கற்காலக் கருவிகளைப் பொறுத்தவரை வழவழப்பானவை. மெருகூட்டப்பட்டவை. சிறிய அளவில் ஆனவை.

கிருஷ்ணகிரி மாவட்டம், தேன்கனிக்கோட்டை வனச்சரகத்திற்கு உட்பட்ட தொளுவபெட்டா என்னும் கிராமத்தில் புதிய கற்காலத்தைச் சேர்ந்த கைக்கோடரிகள் உள்ளிட்ட கற்கருவிகள் கண்டறியப்பட்டுள்ளன. இக்கருவிகள் இங்குள்ள மக்களால் வழிபடப்பட்டு வருகின்றன என்பது குறிப்பிடத்தக்கது.