திருப்பத்தூர் தூய நெஞ்சகக் கல்லூரி

செங்குன்றத்தில் உள்ள கற்திட்டைகள் 3000 ஆண்டுகள் பழமையானவை. இக்கிராம மக்கள் இதனை பாண்டவர் கல் என்றழைக்கின்றனர். மாண்டவர் கல் என்பது காலப்போக்கில் மருவி பாண்டவர் கல் ஆகியிருக்கலாம். இங்குள்ள கற்திட்டை செவ்வக வடிவ மூடுகல்லைப் பெற்றிருக்கிறது. இது தனித்துவமானது என தொல்லியலாளர்களால் கருதப்படுகிறது.

வேலூர் மாவட்டம், குடியாத்தம் வட்டத்தில் உள்ள செங்குன்றம் என்னும் ஊரில் அண்மையில் மேற்கொள்ளப்பட்ட களஆய்வில் இங்கு பெருங்கற்கால ஈமச்சின்னங்கள் உள்ளமை கண்டறியப்பட்டன. இங்கு காணப்படும் 15 கற்திட்டைகளுள் 5-க்கும் மேலான கற்திட்டைகள் சிதிலமடைந்துள்ளன.