மத்தியத் தொல்லியல் துறை

ஈரோட்டிலிருந்து 8 கி.மீ. தொலைவில் உள்ள திண்டல் கிராமத்தில் காணப்படும் நெடுங்கல் சுமார் 10 அடி உயரம் கொண்டது. அகலம் சுமார் 4 அடி கொண்டது. இந்நெடுங்கல் சாய்ந்து காணப்படுகின்றது. இயற்கை இடர்பாட்டினால் இவ்வாறு கல் சாய்ந்திருக்க வாய்ப்புண்டு. இந்நெடுங்கல்லின் அருகே இருபுறங்களிலும் இரண்டு குத்துக்கற்கள் ஊன்றப்பட்டுள்ளன. இக்கற்கள் உயரம் மிகவும் குறைந்தவையாக தென்படுகின்றன.

ஈரோடு மாவட்டம், பெருந்துறை வட்டத்தில் அமைந்துள்ள திண்டல் என்கிற இடம் ஈரோடு சந்திப்பில் இருந்து 8 கி.மீ தொலைவில் உள்ளது. இது ஈரோட்டை சார்ந்த ஒரு பகுதி. இவ்வூரில் பெருங்கற்கால ஈமச்சின்னங்கள் கண்டறியப்பட்டுள்ளன. அவற்றுள் நெடுங்கல் குறிப்பிடத்தக்கது.