மதுரை கோ.சசிகலா

இராஜகிரி பஞ்சாயத்தைச் சேர்ந்த காரைமேட்டுப்பட்டி விராலிமலையிலிருந்து கிழக்கே 2கி.மீ. தொலைவில் உள்ள சீத்தக்காட்டுப்பட்டியிலிருந்து சுமார் 1 கி.மீ. தொலைவில் வடமேற்கில் அமைந்துள்ளது. இங்கு சுமார் 10 ஏக்கர் பரப்பளவில் பெருங்கற்கால வாழ்விடப்பகுதிக் காணப்படுகின்றது. மேலும் கருப்பு மற்றும் கருப்பு சிவப்பு நிற பானையோடுகள் காணப்படுகின்றன. இவ்வூரில் உள்ள மதியன்கோயில் பகுதி முழுவதும் பெருங்கற்கால வாழ்விடப்பகுதியாக அமைந்துள்ளது.

காரைமேட்டுப்பட்டியில் பெருங்கற்கால வாழ்விடப்பகுதிக்கான மண்மேடு காணப்படுவது குறிப்பிடத்தக்கது. மேற்பரப்பு களஆய்வில் வாழ்விடப்பகுதிக்கான தொல்லியல் எச்சங்கள் காணப்படுகின்றன.