மதுரை கோ.சசிகலா

இலுப்பூர் வட்டத்தில் பூதகுடிக்கு தென்மேற்கே 1.5 கி.மீ. தொலைவில் அமைந்துள்ள இக்கிராமத்தில் 18-ஆம் நூற்றாண்டைச் சேர்ந்த முருகன் கோயில் மண்டபம் ஒன்று இடிந்த நிலையில் காணப்படுகிறது. மண்டபத்தின் அருகினில் பெரிய தெப்பக்குளம் உள்ளது. வரலாற்று இடைக்காலத்தைச் சேர்ந்த வாழ்விடப்பகுதியான இவ்வூரில் சிவப்பு நிற பானையோடுகளும், சொரசொரப்பான காவிநிற பானையோடுகளும் பரவலாகக் கிடைக்கின்றன.

கல்லுபட்டி ஊர் பெருங்கற்காலத்திலிருந்து தொடர்ச்சியான பண்பாட்டைக் கொண்டிருந்திருக்க வேண்டும். ஆனால் மேற்பரப்பு களஆய்வில் வரலாற்று இடைக்காலத்தைச் சேர்ந்த அதாவது கி.பி.4-7-ஆம் நூற்றாண்டைச் சேர்ந்த பானையோடுகள் கிடைக்கின்றன. ஊர் கண்மாய்ப்பகுதி ஈமக்காடாக விளங்குகிறது. தாழி வகை ஈமச்சின்னங்கள் கண்மாய்க் கரையில் சிதைந்த நிலையில் உள்ளன.