மதுரை கோ.சசிகலா

வடகாட்டுப்பட்டி விராலிமலையிலிருந்து தெற்கே மதுரை செல்லும் சாலையில் 7 கி.மீ. தொலைவில் அமைந்துள்ளது. இவ்வூரின் மேற்குப்பகுதியில் உள்ள கண்மாயின் கிழக்குப்பகுதியில் இடைக்காலத்தைச் சேர்ந்த வாழ்விடப்பகுதிகள் காணப்படுகின்றன. சிவப்புநிற பானையோடுகளும், சொரசொரப்பான காவிநிற பானையோடுகளும் கிடைக்கின்றன. மேலும் கண்மாயின் வடக்குப்பகுதியில் பெருங்கற்காலத்தைச் சேர்ந்த தாழி வகைகள் முற்றிலும் சிதைந்த நிலையில் காணப்படுகின்றன.

வடகாட்டுப்பட்டி ஊர் பெருங்கற்காலத்திலிருந்து தொடர்ச்சியான பண்பாட்டைக் கொண்டிருந்தாலும் மேற்பரப்பு களஆய்வில் வரலாற்று இடைக்காலத்தைச் சேர்ந்த அதாவது கி.பி.4-7-ஆம் நூற்றாண்டைச் சேர்ந்த பானையோடுகள் கிடைக்கின்றன.