சிவகளை ஆ.மாணிக்கம்

சிவகளை -பேட்மாநகரம் சாலையில் உள்ள பறம்பு ஆயிரம் ஏக்கர் வரையில் விரிந்து செல்கிறது. இந்த தொல்லியல் களம் ஆதிச்சநல்லூருக்கு இணையாக உள்ளது. இங்கு மேற்கொள்ளப்பட்ட மேற்பரப்பு களஆய்வில் முதுமக்கள் தாழிகள், ஆயுதங்கள் போன்றவை கண்டறியப்பட்டுள்ளன. விரிவாக அகழாய்வு செய்ய வேண்டிய பாதுகாக்கப்பட வேண்டிய தொல்லியல் களம் இது,

பேட்மாநகரம்-சிவகளை சாலையில் உள்ள பறம்பில் முதுமக்கள் தாழிகள், இரும்புப் பொருட்கள் மேற்பரப்பு களஆய்வில் கண்டறியப்பட்டுள்ளன. இந்த தொல்லியல் களம் அகன்ற பரப்பை உடைய ஈமக்காடாக விளங்குகிறது. அலெக்ஸாண்டர் ரீ 1900களில் நெல்லையின் 36 இடங்களை கண்டுபிடித்து வரைபடம் தயாரித்து அவை பெருங்கற்காலச் சின்னங்கள் என்று குறிப்பிட்டுள்ளார், அந்த 36 இடங்களில் சிவகளை பேட்மாநகரம் இல்லை என்பது குறிப்பிடத்தக்கது,