மதுரை கோ.சசிகலா

மதுரை மாவட்டம் மேலூர் வட்டத்தில் உள்ள புதுக்குடி என்னும் சிற்றூரின் ஏரிக்கரையோரம் பெருங்கற்கால பண்பாட்டுச் எச்சங்கள் மேற்பரப்பு களஆய்வில் கண்டறியப்பட்டு ஆவணப்படுத்தப்பட்டது. இத்தொல்லியல் களத்தில் கருப்பு, கருப்பு-சிவப்பு பானையோடுகள், இரும்புக்கசடுகள் முதலிய தொல்பொருட்கள் கண்டெடுக்கப்பட்டன. மேலும் இங்குள்ள ஏரியில் தூம்பு ஒன்று கண்டறியப்பட்டது.

புதுக்குடி தொல்லியல் களம் பெருங்கற்கால பண்பாட்டு எச்சத்தை தன்னகத்தே கொண்டுள்ளது. 2013-இல் மேற்கொள்ளப்பட்ட மேற்பரப்பு களஆய்வில் பரந்த நிலப்பரப்பிலும், அதனை ஒட்டி அமைந்துள்ள ஏரிக்கரையிலும் கருப்பு நிறப் பானையோடுகள், கருப்பு-சிவப்பு நிற பானையோடுகள் உள்ளிட்ட பெருங்கற்கால தொல்பொருட்கள் கண்டெடுக்கப்பட்டு ஆவணப்படுத்தப்பட்டன.