மத்தியத் தொல்லியல் துறை

பொன்மார் என்னும் ஊரின் ஈமச்சின்னப்பகுதிகள் மத்தியத்தொல்லியல் துறையால் பாதுகாக்கப்பட்டு வருகின்றன. இவ்வூரில் பண்டு நிலவியிருந்த பெருங்கற்காலப் பண்பாட்டினை காட்டுவதாக இங்கு கருப்பு-சிவப்பு பானையோடுகள் கிடைக்கின்றன. மேலும் ஈமச்சின்னங்களுள் ஒன்றான சிதிலமடைந்த கல்வட்டங்கள் சிலவும் இங்கு ஆங்காங்கு காணப்படுகின்றன.

செங்கல்பட்டு வட்டாரத்தில் அமைந்துள்ள பொன்மார் என்னும் ஊர் பெருங்கற்காலப் பண்பாட்டுக் காலத்தின் எச்சத்தைக் கொண்டு விளங்குகிறது. இவ்வூரில் பண்டு அமைக்கப்பட்டிருந்த கல்வட்டங்கள் பலவும் தற்போது சிதைக்கப்பட்ட நிலையில் ஆங்காங்கு காணப்படுகின்றது. இப்பகுதி பாதுகாக்கப்பட்ட நினைவுச்சின்னப் பகுதியாக அறிவிக்கப்பட்டுள்ளது.